Lettere - Un aniversari pôc furlan. Dut biel, e cumò?

I firmatari riflettono sulle celebrazioni per i 50 anni dal sisma del Friuli, tra riconoscimenti ricevuti e richieste di maggiore autonomia per il territorio, la lingua e la cultura friulana.

Ci scrivono Guido Germano Pettarin, Geremia Gomboso, don Rizieri De Tina, Dino Persello, Igino Piutti, Rossano Cattivello e Ubaldo Muzzatti sul cinquantesimo anniversario del terremoto del Friuli e sul significato delle celebrazioni che hanno accompagnato la ricorrenza, non senza una nota di critica. 

Un program dal aniversari pai 50 agns dal taramot dal Friûl cetant pôc furlan. Intune setemane, prime e dopo dai 6 di Mai, o vin scoltât ce brâfs che o sin stâts a rivâ a tornâ a alçâsi, a tignîsi unîts e a fâ sù fabrichis, cjasis e dome dopo glesiis, dulà che a jerin e come che a jerin, anzit miôr, a spindi ben i bêçs publics e chei dâts in donazion, a deventâ un esempli e un 'model'. O vin vût ospits sorestants talians (venits, romans, sicilians…) che nus àn laudâts in dutis lis manieris. O vin preât adun cun vescui e gardenâi une vore diviers dai predis che si son cjatâts tal mieç dai rudinaçs a sepulî muarts. O vin scoltât cjantâ un dai artiscj plui paiâts tal Mont un conciert bon par Little Italy.

Dut chest, però, no somee te ande furlane. Il furlan al à plasê di sintîsi dî “brâf”, cjapâ i compliments, ma no masse. Se a son plens di retoriche, dome un flum di peraulis, un nûl di incens, dome bla-bla, il furlan si stufe. Se a van plui in là, a cualchidun i ven ancje il riviel. E dopo? Ce restial di dut chest can-can?

Sino brâfs a organizâsi di bessôi? E alore che nus dedin la competence su la scuele. E ancje chê sul nestri patrimoni culturâl. E che a lassedin chenti ducj i vuadagns dal disfrutament eletric de nestre aghe. E che nus lassedin preâ te nestre lenghe cul Messâl furlan. Dopo ducj i compliments che o vin scoltât, se a jerin pardabon sclets, a dî pôc i sorestants talians a varessin di dânus la indipendence!

Guido Germano Pettarin, Geremia Gomboso, don Rizieri De Tina, Dino Persello, Igino Piutti, Rossano Cattivello e Ubaldo Muzzatti.

Foto Wikimedia Commons.