Tornano le storie della Bassa Friulana di Ferruccio Tassin, ecco il quarto volume di 'Robononis'

La nuova serie di racconti celebra il territorio e una lingua viva trasformandoli in narrativa viva. Il commento del prof. Hans Kitzmüller ne sottolinea la forza linguistica e culturale.

“Robononis” l’è al titul di una serie di contis – veris – scritis di Ferruccio Tassin. Finora sin rivats al numar cuatri, come libris, grazie a la generositât di Orlando Buldo, che l’à sostignût li spesis di stampa. Ma la roba plui biela a je, che “Robononis” l’è doventât un nom par dagi spigo a un puest. La prima volta, al Comun di Romans dal Isunz gi lu à dadi al centro di recupero dal scovazzon. La seconda, al nom l’è lat su di presit e Orlando Buldo gi lu à dadi a la sô area di servizi al chlometro cuatri da strada provincial 16 di Visc. Un’area di gala cun tant di ristorant e viavanti…

Cà sota eco se che l’a scrit dal libri al prof. Hans Kitzmüller:

«Un pâr di ains fa, “Robononis numar un” e, burît fûr subite dopo, “Robononis numar doi”, l’un e l’atri cun tune bielisime cuviartine, vevin otignût un successon di chei rârs, ma dome plui tard, cuant che al jere vignût fûr ancje il numar tre, chist cun le straordenarie fotografie da “Pessaria Ideologica”, tanç an scumenzât a capî che lis ‘robononis’ contadis di Ferruccio Tassin podevin sei ancje alc atri rispiet al mûd che lis intendevin prime. O sclarissi il concét subite: il sottitul al jere simpri il stess: “Ridi e riduzzâ ta Bassa Furlana”, ma a le fin al jere clâr che pol sei ancje biel ridi e riduzzâ de int dai timps di une volte, però tant al dipind da lis peraulis che si doprin, se no ûl jessi nome un gust o un mateç par passâ l’ore. Lis veris bielis contis son fatis di pinsîrs e peraulis, di sentiments e di ricuards, di contentezzis di chel che si ten e di dolôr par chel che o vin piardût, si pol fevelâ di comportaments e dai puesç cumbinats però cun afiet, simpatie e nostalgie o sperance e alore un si inacuars ancje di altris robis cuant che ven doprade la lenghe juste par contalis ben.

Si podarés ancje tornâ a lei ze che o’ vevi scrit par talian sul daûr da lis primis tre cuviartinis fuartis, ma forsit al è miôr dîlu cà in tune maniere plui semplice: chist furlan de Basse di Ferruccio Tassin a l’ è no nome nostalgic, scherzevul, spiritôs e realistic ma ancje creatîv, al è di un scritôr che l’ cognoss benissim la sô int. E che rive spess a le poesie. Tassin, une vore cognosût e preseât storic continue ancje cussì a contâ la storie di un mond che no esist plui, chel da sô int, ma che si lasse contâ perfettamentri cun li stessis peraulis che si dopravin une volte, e achì lui lu fâs cun afiet, ironie, realisim e cun batudis fuartis e un lengaz creativ. E ancje cun storiutis curtis e bielis contis seriis si lasse scrivi la storie da nestre int cun tun autôr che l’rive a fâlu cun umorisim e cun la ligrie dal afiet che no l’passe mai. Robononis numar cuatri si podarès intitulalu propit ancje “Robonononis” e no sarés un erôr di scriture, ma sarés tal sens di ‘robononis’, chiste volte, in tune forme di grad superlatîv».

Rimani sempre aggiornato sulle ultime notizie dal Territorio, iscriviti al nostro canale Telegram, seguici su Facebook o su Instagram! Per segnalazioni (anche Whatsapp e Telegram) la redazione de Il Goriziano è contattabile al +39 328 663 0311.